Олон улсын жүдо бөхийн холбооны (IJF) чансаа өндөртэй Екатеринбургийн их дуулга тэмцээн өнөөдөр албан ёсоор эхлэх гэж байна. Уг тэмцээн 47 орны дэлхийн шилдэг 358 жүдоч оролцож байгаа юм. Манай улсаас хашир туршлагатай болон шинэ залуу 20 жүдоч оролцож байгаагаас өнөөдөр тэмцээний эхний өдөр зургаан бөх зодоглоно. Тэмцээний хуваарь болон өнөөдөр барилдах манай бөхчүүдийн оноолтыг үзэхийг хүсвэл энд дарна уу. 

Яг одоо нэгдүгээр дэвжээн дээр эмэгтэйчүүдийн -52кг жингийн А хэсэгт залуучуудын олимпийн мөнгөн медальт ОУХМ Л.Сосорбарам уг жинг тэргүүлж буй олимпийн хүрэл, дэлхийн аваргын гурван удаагийн хүрэл медальт ОХУ-ын домогт жүдоч Наталья Кузютинатай барилдана. Л.Сосорбарам Европын цуврал дөрвөн тэмцээнд дараалан оролцохдоо 1 алт, 2 мөнгөн медаль хүртээд байгаа бол Н.Кузютина “Мастерс”-аас хүрэл медаль хүртсэнээс хойш тэмцээнд оролцоогүй байгаа. ОХУ-ын домогт жүдоч Наталья Кузютина энэ жил 29 настай бол манай Л.Сосорбарам 17 настай буюу 12 насны зөрүүтэй тамирчид юм.

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

 Жич: хэрэв та шууд дамжуулалтыг үзэж амжаагүй бол бичлэгийг ухраан нөхөж үзэх боломжтой.