Олон улсын жүдо бөхийн холбоо (IJF)-ны цуврал тэмцээний нэг болох Марракечийн гран при тэмцээн өчигдөр албан ёсоор эхэлсэн билээ. Гурав хоногийн турш үргэлжлэх энэхүү гран при тэмцээнд 67 орны 443 жүдоч хурд, хүчээ сорих юм. Манай бөхчүүд энэ удаагийн Марракечийн гран при тэмцээнийг өнжиж байна.
Тэмцээний эхний өдөр хөнгөн жингийн барилдаанууд явагдсан ба медалийн чанараар Узбекстан улс хоёр алтан медаль, нэг шагналт тавдугаар байр эзэлсэн амжилтаар 67 орноо тэргүүлж байна.
Өнөөдөр тэмцээний хоёр дахь өдөр эрэгтэйчүүдийн -73кг, 81кг, эмэгтэйчүүдийн -63кг, -70кг жингүүдийн урьдчилсан барилдаан 17:30 цагаас эхлэн явагдана. Харин медалийн төлөөх барилдаанууд 00:00 цагаас явагдана. /Улаанбаатарын цагаар/ Манай www.livetv.mn/sport сайт уламжлал ёсоор шууд дамжуулан үзүүлнэ.
Өчигдөр болсон эмэгтэйчүүдийн -48кг, 52кг, 57кг, эрэгтэйчүүдийн -60кг, 66кг жингийн шилдэг цэвэр ялалтуудын түүвэр бичлэгийг толилуулж байна.
