Жүдо бөхийн Дьюселдорфийн их дуулга тэмцээн албан ёсоор эхэллээ. Гурав хоногийн турш үргэлжлэн явагдах тэмцээний эхний өдөр уламжлал ёсоор хөнгөн жингийн барилдаануудаар эхлэх юм. Монгол улсаас өнөөдөр Монгол улсын хөдөлмөрийн баатар, МУГТ Д.Сумьяа тэргүүтэй шилдэг таван жүдоч барилдаж байна.
Эмэгтэйчүүдийн -52кг жинд манайхаас хоёр бөх барилдаж байгаа ба “Буэнос-Айрос-2018” залуучуудын олимпийн мөнгөн медальт, 2019 оны Монгол Улсын аварга, шилдэг жүдоч Л.Сосорбарам, “Хилчин” спорт хорооны тамирчин Б.Хорлоодой нар хоёулаа эхний тойрогт гоц мөргөсөн. Хоёрдугаар тойрогт хоёулаа өрсөлдөгчдөө цэвэр яллаа.
Яг одоо гуравдугаар дэвжээн дээр гуравдугаар тойрогт Л.Сосорбарам Туркын Коркмаз Ирэмтэй барилдана. Турк жүдочийн хувьд 1466 оноотойгоор жиндээ дэлхийн чансааны 29-т эрэмбэлэгдэж байна.
Харин дээрх барилдаантай залгуулаад Б.Хорлоодой Италийн Гуйфрида Одеттатай мөн гуравдугаар дэвжээн дээр барилдана. Итали жүдочийн хувьд 2345 оноотойгоор жиндээ дэлхийн чансааны 18-д эрэмбэлэгдэж байна. Өнгөрсөн жил Хаагийн гран при тэмцээнд хоорондоо таарч барилдахад манай Хорлоодой ялагдсан юм. Энэ удаад хариугаа авч ялахыг хүсэн ерөөж байна.
Нэгдүгээр дэвжээг шууд үзэх:
Хоёрдугаар дэвжээг шууд үзэх:
Гуравдугаар дэвжээг шууд үзэх:
Жич: Хэрэв та шууд дамжуулалтыг үзэж амжаагүй бол дээрх бичлэгүүдийг ухраан нөхөж үзэх боломжтой.
