U22 буюу 22 хүртэлх насны боксын Азийн аварга шалгаруулах тэмцээн Тайланд улсын Бангкок хотноо зохион байгуулагдлаа.
Энэ удаагийн тэмцээнд 20 орны эрэгтэй 95, эмэгтэй 54 боксчин буюу нийт 149 ширэн бээлийтэн өрсөлдөж манай тамирчид алтан медаль нэг, мөнгөн медаль дөрөв, хүрэл медаль дөрөв буюу нийт есөн медаль хүртлээ. Ийнхүү манай боксчид тэмцээнд оролцож буй 20 орноос нийлбэр дүнгээр дөрөвдүгээр байрт шалгарлаа.
Манай тамирчид дараах амжилтыг үзүүллээ.
Эрэгтэй:
54 кг жинд Д.Ганболд хүрэл медаль
57 кг жинд Г.Лундаа хүрэл медаль
63.5 кг жинд О.Тулга мөнгөн медаль
Эмэгтэй:
48 кг жинд Б.Жанаргуль хүрэл медаль
52 кг жинд А.Хулан хүрэл медаль
57 кг жинд Б.Золжаргал алтан медаль
60 кг жинд Т.Номин-эрдэнэ мөнгөн медаль
63 кг жинд Г.Бадмаараг мөнгөн медаль
66 кг жинд М.Цэцэгдарь мөнгөн медалийг тус тус хүртлээ.
