Сонирхогчдын боксын Ази тивийн аварга шалгаруулах тэмцээний хоёр дахь өдөр манай долоон боксчин тулалдана.  

Арабын Нэгдсэн Эмират улсын Дубай хотноо зохион байгуулагдаж буй Ази тивийн аварга шалгаруулах тэмцээнд манай улсаас 13 шилдэг ширэн бээлийтэн тулалдах ба манай баг, бүрэлдэхүүний мэдээллийг ЭНД дарж үзнэ үү.

Тэмцээний эхний өдөр манай улсаас эрэгтэйчүүдийн -49кг жинд О.Өнөболд, -52кг жинд Х.Энхмандах, -75кг жинд О.Бямба-Эрдэнэ нар тулалдан бүгд өрсөлдөгчдөө илүүрхэн ялсан билээ. Монгол боксчдын тулааныг бүрэн эхээр нь ЭНД дарж үзнэ үү. 

Өнөөдөр тэмцээний хоёр дахь өдөр хүрэл медалийн төлөөх нийт 25 тулаан явагдах ба манай долоон боксчин тулалдана. /тулааны дараалал/

• Эрэгтэйчүүдийн -49кг жинд О.Өнөболд Киргизстаны боксчинтой /эхний тулаан/
• Эрэгтэйчүүдийн -56кг жинд Х.Энх-Амар Афганистаны боксчинтой /найм дахь тулаан/
• Эрэгтэйчүүдийн -64кг жинд Б.Чинзориг Казахстаны боксчинтой /12 дахь тулаан/
• Эрэгтэйчүүдийн 91кг жинд С.Эрдэнэбаяр Киргизстаны боксчинтой /14 дэх тулаан/
• Эмэгтэйчүүдийн -51кг жинд Л.Алтанцэцэг Тажикстаны боксчинтой /18 дахь тулаан/
• Эмэгтэйчүүдийн -57кг ижнд О.Есүгэн Энэтхэгийн боксчинтой /21 дэх тулаан/
• Эмэгтэйчүүдийн -60кг жинд М.Намуун Казахстаны боксчинтой /25 дахь тулаан/ тус тус тулалдах хуваарьтай байна. 

Ази тивийн аварга шалгаруулах тэмцээн Улаанбаатарын цагаар 22:00 цагт эхэлнэ.

Спорт мэдээ, мэдээллийн www.livetv.mn/sport суваг уламжлал ёсоор 10 хоногийн турш сонирхогчдын боксын Ази тивийн аварга шалгаруулах тэмцээнийг шууд дамжуулан үзүүлэхээс гадна тэмцээний мэдээ, мэдээллийг шуурхай хүргэн ажиллана.