12 дахь удаагийн снукер биллиардын ахмадын дэлхийн аварга шалгаруулах тэмцээн гурав дахь өдрөө үргэлжлэн явагдаж хагас шигшээд өрсөлдөх дөрвөн тамирчин тунан үлдлээ.
Урьд шөнө шөвгийн наймын тоглолтууд явагдсан ба снукер биллиард сонирхогчдын анхаарлын төвд дэлхийн долоон удаагийн аварга, домогт Стефен Хендри болон 1997 оны мэргэжлийн снукер биллиардын дэлхийн аварга Ирландын Кен Дохерти нарын тоглолт зүй ёсоор орж байлаа. Гэвч аваргууд хоёул хожигдон хагас шигшээд шалгарч чадсангүй. Тодруулбал: Шөвгийн наймын салхийг хагалан тоглосон С.Хэндри аварга Бразил гаралтай Игор Фигуейредод 4:1 харьцаагаар хожигдсон бол дэлхийн аварга К.Дохерти 45 настай Англи тамирчин Д.Лиллейд 4:3 харьцаагаар хожигдлоо.
Харин гурван удаагийн ахмадын дэлхийн аварга, домогт Жимми Уайт ээлжит хожлоо байгуулж хагас шигшээд Бразил тоглогч Игор Фигуейредотой тоглохоор оноолт таарлаа.
Өнөөдөр шийдвэрлэх тоглолтууд Улаанбаатарын цагаар 19:00 цагаас эхлэх ба хагас шигшээ эхний тоглолт болох Жимми Уайт болн Игор Фигуейредо нарын тоглолтоор эхэлнэ. Манай сайт уламжлал ёсоор шууд дамжуулан үзүүлнэ.
