Аваргуудын лигийн хариу тоглолтууд үргэлжлэн явагдсаар байна. 

Урьд шөнө энэ улирлын аваргуудын лигийн хамгийн үзүүштэй оноолт болох Барселона клуб болон ПСЖ клубуудын хариу тоглолт явагдлаа. Эхний тоглолт Барселона клубын алдарт Камп Ноу цэнгэлдэхэд явагдаж Барселона клуб талбай дээрээ 4:1 харьцаагаар бут ниргүүлсэн хүндэн нөхцөл байдалд ПСЖ клубын талбайд зочлон тоглолоо. Тоглолтын 31 дэх минутад Мбаппе тоглолтын гоолын салхийг хагалж үүнээс ердөө зургаан минутын дараа Месси тоог тэнцүүлсэн ч Барселона клуб ялалт байгуулах, цаашлаад шөвгийн наймд шалгарах ямар ч боломж байсангүй. Эхний үеийн нэмэлт цагт Месси торгуулийн цохилт алдсан нь сэтгэл зүйн хувьд бүрэн унасан байхыг үгүйсгэх аргагүй байлаа. Ийнхүү нийлбэр дүнгээр 5:1 харьцаагаар ПСЖ клуб шөвгийн наймд шалгарч үлдлээ. 

Салах, Мане нарын төгс хослол багаа шөвгийн наймд хөтөллөө

Эхний тоглолтод Лиепцегийн талбайд М.Салах, С.Мане нар гоолдож байсан бол хариу тоглолтод мөн л тэрхүү хоёр тоглогч дахин гоолдож нийлбэр дүнгээр 4:0 харьцаагаар ялалт байгуулсан Ливерпүүл клуб шөвгийн наймд шалгарлаа. 

Хуваарь ёсоор өнөө шөнө /гуравдугаар сарын 11-нээс 12-нд шилжих шөнө/ Манчестер Сити : Монченгладбах, Реал Мадрид : Аталанта гэсэн ганган тоглолтууд биднийг хүлээж байна.