Мэргэжлийн снукер биллиардын хурдан темп, ширүүн өрсөлдөөн бүхий "Snooker Shoot Out 2021" дэлхийн чансааны оноо олгох тэмцээн явагдаж дууслаа.
Энэ удаагийн "Snooker Shoot Out" тэмцээн "ганган" тоглолтуудаар дүүрэн байлаа. Марк Аллен "Snooker Shoot Out" тэмцээний 10 жилийн түүхэн дэх шинэ дээд амжилтыг тогтоож 142 оноо авсан талаар бид өмнө нь мэдээлсэн билээ. Мөн түүнчлэн шинэ аварга төрөн гарлаа. Дэлхийн чансааны 50-д эрэмбэлэгдэж буй Рейн Дей тэмцээний хагас шигшээд дэлхийн гурван удаагийн аварга Марк Виллиамсыг хожсон бол шигшээ тоглолтод мөн л дэлхийн гурван удаагийн аварга Марк Селбиг буулган авч түрүүллээ. Рейн Дей ийнхүү дэлхийн чансаа олгох гурав дахь тэмцээндээ түрүүлж байна.
