Мэргэжлийн снукер биллиардын чансаа олгох "2020 Scottish Open" тэмцээний шөвгийн наймын тоглолтууд тун үзүүштэй боллоо.
Урьд шөнийн эхний бөгөөд хамгийн том дуулиан бол Хятад тоглогч Ли Ханг дэлхийн чансааг тэргүүлэгч Жадд Трампыг буулган авч хагас шигшээ тоглолтод шалгарлаа. Ли Хангийн хувьд хоёр дахь удаагаа чансаа олгох тэмцээний хагас шигшээд шалгарч буй нь энэ бөгөөд өмнө нь 2017 оны China Championship тэмцээнд мөн хагас шигшээд шалгарч байлаа. Мөн түүнчлэн тэрээр Жадд Трамп аваргыг анх удаа хожиж байгаа нь энэ биш юм. Тэд зургаа дахь удаагаа учраа таарсан ба өмнө нь хоёр ч удаа Жадд Трамп аваргыг хожиж байсан удаатай.
Тоглолтын дараа Ли: "Би эцсээ хүртэл сандарч байлаа. Миний гар чичирч байхын мэдэрсэн. Жадд Трамп боломж нь гарвал нүд ирмэхийн зуур тоглолтыг дуусгаж чадах тийм л чадвартай тоглогч. Би өөрийгөө дэлхийн номер 1-ийг ялсан гэдэгтээ бүрэн итгэж чадахгүй л байна. Тэрээр яг одоо оргил үе дээрээ байгаа шүү дээ"
