"Формула 1"-ийн домогт нисгэгч, дэлхийн долоон удаагийн аварга Михаил Шумахерийн хүү Мик Шумахер 2021 онд "Формула 1"-д дэвшихээр боллоо.
Ferrari Driver Academy-ийн нисгэгч Мик Шумахер 2008 оноос карьерээ эхлүүлснээс хойш 2018 онд FIA F3 Европын аварга шалгаруулах тэмцээнд түрүүлснийхээ дараа буюу өнгөрсөн жилээс Formula 2-т дэвшин уралдах болсон байна. Харин энэ жил тэрээр Formula 2-т тэргүүлж байгаа юм.
Удамт нисгэгчийн хувьд ирэх жилээс Формула 1-т уралдахаар болжээ. Удамт гэсний учир нь зөвхөн түүний эцгийн тухай өгүүлээгүй бөгөөд Микийн ээж Коринна Шумахер нь хурдан морьны Европын аварга, авга ах Ральф Шумахер нь 2007 онд зодог тайлсан Формула 1-ийн нисгэгч юм.
