Урьд шөнө аваргуудын лигийн А, В, С, D хэсгүүдийн тун сонирхолтой тоглолтууд явагдлаа.
А хэсгийг тэргүүлэгчид болох Атлетико, Байерн Мюнхен клубууд 1:1 харьцаагаар тэнцсэнээр Байерн Мюнхен 13 оноотойгоор хэсгээ тэргүүлсэн хэвээр байгаа бол Атлетико Мадрид 6 оноотойгоор удаалж байна.
Тоглолтын 26 дахь минутад Атлетико Мадридаас Ж.Феликс гоолын салхийг хагалсан бол 86 дахь минутад Мюллер тэнцээний гоолыг орууллаа.
В хэсгийн нөхцөл байдал тун сонирхолтой боллоо. Урьд шөнө Реал Мадрид Шахтар Дентск клубт 2:0 харьцаагаар хожигдон хүснэгтийн 3-р байранд 7 оноотойгоор бичигдэх боллоо. Тус хэсгийн багууд бүгд оноо ойролцоо яваа тул сүүлийн тойрогт бүх зүйл шийдэгдэхээр болсон байна.
С хэсгийг тэргүүлэгчид болон Порто, Манчестер Сити клубууд учраа таарч тоглолт тэнцээгээр өндөрлөсөн тул тэд хоёул шөвгийн 16-д багтахаар боллоо.
D хэсгийг тэргүүлэгч Ливерпүүл клуб Аяаксыг 1:0 харьцаагаар буулган авснаар хэсгээ итгэл төгс тэргүүлсэн хэвээр. Харин тэдний араас нэхэж буй Аталанта /8/, Аяакс /7/ клубууд сүүлийн тойрогт хоорондоо учраа таарсан байгаа.
