Мэргэжлийн снукер биллиардын алдарт "UK Championship" тэмцээний шилдэг 32-т өрсөлдөх тамирчид тодорлоо.

Энэ удаагийн "UK Championship" тэмцээнд БНХАУ-ын 21 тамирчин оролцсоноос одоо шилдэг 32-т 9 тамирчин үлдээд байна. 32-т үлдсэн Хятад тамирчид дунд өнгөрсөн оны "UK Championship" тэмцээний аварга Дин Жунхуй харамсалтай нь багтсангүй.  

Ямагт олны анхаарлын төвд байдаг дэлхийн 6, "UK Championship" тэмцээний 7 удаагийн аварга Ронни О Сулливан урьд шөнө Швейцар залуу тоглогч Александр Урсенбачерт 6:5 харьцаагаар хожигдон тэмцээнээ дуусгалаа. Ронни аваргын хувьд энэ жил "UK Championship" тэмцээнд найм дахь удаагаа түрүүлэхээр ирснээ зарлаж байсан ч дөнгөж хоёрдугаар тойрогт хожигдон хасагдаж байна. Хамгийн гол нь хоёр тамирчны хувьд өнгөрсөн жилийн Welsh Open тэмцээнд анх удаа учраа таарч Ронни хожигдож байсан удаатай. 

Тоглолтын дараа Ронни: "Би маш олон инээдтэй алдаануудыг хийлээ. Хялбархан шааруудыг оруулж чадалгүй алдаж байсандаа ичиж байна. Ирэх долоо хоногт эхлэх Шотландын нээлттэй тэмцээнд хүчтэйгээр эргэн ирэх тул надад гутраад суух цаг алга"