Мэргэжлийн снукер биллиардын "Аваргуудын аварга" шалгаруулах тэмцээний хоёр дахь өдрийн тоглолтуудын бичлэгийг толилуулж байна.
Урьд шөнө 2019 оны дэлхийн аварга бөгөөд дэлхийн чансааг тэргүүлэгч Жадд Трамп 2015 оны дэлхийн аварга Стуарт Бингхамыг 4:0 харьцаагаар хожлоо. Тус тоглолтыг манай сайт шууд дамжуулан үзүүлсэн ба ЭНД дарж нөхөж үзэх боломжтой.
Мөн түүнчлэн 2005 оны дэлхийн аварга бөгөөд 2017 онд "Аваргуудын Аварга" болсон Шаун Мөрфи дэлхийн чансааны 12-т эрэмбэлэгдэж буй Девид Гилбертэд 4:2-ын харьцаагаар хожигдон тэмцээнээ дуусгалаа. Тэд өмнө нь зургаан удаа учраа тааран тоглоход Мөрфи дөрвөн удаад нь хожиж байсан ч энэ удаад хожигдон бооцоо тавигчдын таамгийг эвдлээ.
Харин хэсгийн аваргын төлөө тоглолтод Ж.Трамп болон Д.Гилберт нарын тоглолт 6:3 харьцаагаар Ж.Трампын хожлоор өндөрлөлөө. Хоёр тамирчны хувьд карерийнхээ туршид 15 дахь удаагаа учраа тааран тоглож буй нь энэ бөгөөд Ж.Трамп ес дэх удаагаа өрсөлдөгчөө буулган авч буй нь энэ юм.
Өнөө орой Улаанбаатарын цагаар 21:00 цагт Кайрен Вилсон болон Стефен Магуир, Марк Селби болн Лука Бресел нарын тоглолт явагдана. Манай сайт уламжлал ёсоор шууд дамжуулан үзүүлнэ.
