Мэргэжлийн снукер биллиардын ДАШТ-ий онцлох тоглолтуудын бичлэгийг цувралаар толилуулж байна.

Урьд шөнийн тоглолтуудын дараа шөвгийн найман тамирчин тодорлоо. Шөвгийн 8-д таван дэлхийн аварга тамирчид тунан үлдлээ. 

• Ж.Трамп /2019 оны дэлхийн аварга/ - Кайрен Вилсон /дэлхийн чансааны 8/
• Курт Мафлин - Антони Макгилл 
• Марк Виллиамс /2000, 2003, 2018 оны дэлхийн аварга/ - Ронни О Сулливан /2001, 2004, 2008, 2012, 2013 оны дэлхийн аварга/
• Марк Селби /2014, 2016, 2017 оны дэлхийн аварга/ - Нейл Робертсон /2010 оны дэлхийн аварга/

Н.Робертсон таван жилийн өмнөх ДАШТ-д хожигдсон хариугаа авлаа

Н.Робертсон Б.Хавкинс нар 2009 оноос хойш 25 дахь удаагаа учраа тааран тоглолоо. Ийнхүү 25 удаа таарахдаа нэг удаа тэнцэж, 14 удаад нь Н.Робертсон хожиж байна. Дэлхийн аварга Н.Робертсоны хувьд 2015 оны ДАШТ-ий шөвгийн 8-д Барри Хавкинстай учраа таарч 13:12 харьцаагаар хожигдож байсан хариугаа авлаа. 

Тоглолтын дараа Хавкинс: "Би шинэ цохиур ашиглаад удаагүй байна. Ердөө сар гаруй хугацаанд цохиуртаа сайн дасаж чадахгүй л байна. Гэхдээ энэ миний хожигдсон шалгаан гэж хэлэхгүй ээ. Сайхан тоглолтууд хийлээ" хэмээн хэлсэн байна. 

Нейл Робертсоны дараагийн учраа түүний мөнхийн өрсөлдөгч Марк Селби байх болно.