Спорт мэдээ, мэдээллийн www.livetv.mn/sport суваг мэргэжлийн снукер биллиардын ДАШТ-ийг шууд дамжуулан үзүүлэхээс гадна өдөр өдрийн онцлох тоглолтуудын бичлэгийг цувралаар толилуулж байна.
Дэлхийн чансааны 12-т эрэмбэлэгдэж буй Дэвид Гилберт болон Норвегийн Курт Мафлин нарын тоглолт бооцоо тавигчдын таамгийг эвдсэн тоглолт боллоо. Учир нь тэд өмнө нь дөрвөн удаа учраа таарах бүрийд Дэвид Гилберт хожиж байсан бол энэ удаад Курт Мафлины хожих ээлж ирсэн байлаа.
Курт Мафлин мэргэжлийн снукер биллиардын ДАШТ-д анх удаа ялалт байгуулсан Норвегийн анхны тамирчин болж байна. Өмнө нь 2015 оны ДАШТ-ий эхний тойрогт тухайн үеийн дэлхийн чансааг тэргүүлэгч асан Марк Селбитэй энэ тэнцүү өрсөлдсөн ч 10:9 харьцаагаар хожигдож байсан түүхтэй.
Дэвид Гилберттэй тоглох явцдаа тэр үнэхээр тоглолтдоо нэвт орсон байсан ба 16 дахь өрөг дээр 147 онооны төлөө явж байсан ч алдсандаа шаралхан шаарикруу "дунд хуруу"-гаа гаргаад авав. Ямартай ч тэр ДАШТ-ний хоёр дугаар шатанд шалгарсан ба түүнийг дэлхийн дөрвөн удаагийн аварга домогт Жон Хиггинс хүлээж байна. Куртын хувьд Жон Хиггинсийг өмнө нь хожиж үзсэн ба өнгөрсөн жилийн China Championship тэмцээний 16-д 5-4 харьцаагаар хожиж байсныг биллиард сонирхогчид маань тод санаж байгаа биз ээ.
Курт Мафлин: "Жон Хиггинс бол миний хүндэлж явдаг домгуудын нэг. Тэрээр бүх цаг үеийн шилдэг дөрвийн нэг шүү дээ" хэмээн хэлсэн байна.
