Өнгөрөгч амралтын үдэш /2020.08.02/ Английн хөлбөмбөгийн "The Emirates FA Cup" финалын тоглолт явагдлаа.
149 жилийн түүхт Английн хөлбөмбөгийн холбооны "The Emirates FA Cup" финалын тоглолтод Премьер лигийн улиралд амжилт муутай оролцсон Арсенал клуб олон Челси клубууд тунан үлдээд байсан юм. Арсенал клубын хувьд 13 удаагийн цомын аварга бол Челси клуб найман удаа цом өргөөд байлаа.
Хамгийн сүүлд тэд 2017 оны финалд шалгарахад Арсенал клуб 2:1 харьцаагаар Челсиг буулган авч байсан түүх энэ жил дахин давтагдлаа. Тоглолт дөнгөж эхлээд удаагүй байхад Челси клубын Кристиан Пулисик гоолын салхийг хагалсан ч Арсеналын П.Эмерик Аубамеянг дабль хийж багаа ялалтад хөтөллөө.
Энэ тоглолтод Челси клубээс зургаан тоглогч шар хуудас авсан төдийгүй М.Ковачич 73 дахь минутад улаан хуудас авч талбайг орхисон. Мөн түүнчлэн хоёр тамирчин нь гэмтэл авлаа.
