Мэргэжлийн снукер биллиардын дэлхийн чансаа олгох Гибралтарын нээлттэй тэмцээн өчигдөр албан ёсоор эхэллээ.
Ердөө гурван өдрийн форматаар явагдаж буй тус тэмцээний эхний 64 тамирчны тоглолт урьд шөнө явагдлаа. Өчигдрийн тоглолтуудаас онцлох тоглолтуудыг толилуулж байна.
Гибралтар Опен тэмцээний аварга хожигдлоо
2019 оны Гибралтор Опен тэмцээний аварга бөгөөд дэлхийн аварга Стуарт Бингхам Английн залуу тамирчинд 4:0 харьцаагаар хожигдон шөвгийн 16-д үлдэж чадсангүй. Стуарт Бингхам өнгөрсөн жилийн аварга гэдэг утгаараа энэ удаагийн тэмцээнийг тэргүүлэн тоглож байлаа.
Кайран Вилсон учраа бүрээн илүүрхэн хожсоор байна
Дэлхийн чансааны 8-д эрэмбэлэгдэж буй Кайрен Вилсон сүүлийн үед тун сайн формтой байгаа гэдгээ баталж учраа бүрээ илүүрхэн хожсоор шөвгийн 16-д тунан үлдлээ. Тэрээр эхний тойрогт Хятадын Си Жианхуйг 4:1, хоёрдугаар тойрогт Английн Девид Лиллейг 4:0, гуравдугаар тойрогт Белгийн Лука Вреселийг 4:0 харьцаагаар тус тус хожлоо.
Марк Селби аварга Хятадын залуу тамирчинд хожигдлоо
Дэлхийн гурван удаагийн аварга Марк Селби 32-т Хятадын залуу тамирчин Лью Хаотианд 4:1 харьцаагаар хожигдон тэмцээнээ дуусгалаа.
Манай сайт Гибралтарын нээлттэй тэмцээнийг шууд дамжуулан үзүүлж байгаа ба Улаанбаатарын цагаар 17:30-д шууд дамжуулан үзүүлэх болно.
