Мэргэжлийн снукер биллиардын дэлхийн чансаа олгох "Players Championship 2020" тэмцээн хоёрдугаар сарын 24-ны өдрөөс гуравдугаар сарын 1-ний өдөр хүртэл долоо хоног үргэлжлэн явагдаж дууслаа.
Шигшээ тоглолтод дэлхийн чансааг тэргүүлж буй дэлхийн аварга, "Players Championship 2017" тэмцээний аварга Жадд Трамп болон Хятадын залуу тамирчин Ян Бинтао нар тунан үлдсэн юм. Тэд өмнө нь дөрвөн удаа учраа тааран тоглоход Ж.Трамп аварга бүгдэд нь хожиж байсан түүхтэй.
Урьд шөнийн тоглолт дэлхийн аваргын илүүрхэл дор өрнөсөн гэхэд болно. Ж.Трамп 10:4 харьцаагаар ялалт байгуулж "Players Championship 2020" тэмцээний хошой аварга боллоо.
