Энэ өдрүүдэд мэргэжлийн снукер биллиардын дэлхийн чансаа олгох "Players Championship" тэмцээн Англи улсад зохион байгуулагдаж байна.
Урьд шөнө хоёр тоглолт явагдсан ба тус тоглолтуудын бичлэгийг бүрэн эхээр нь толилуулж байна.
Ж.Трамп шигшээ тоглолтод шалгарч үлдлээ
Хагас шигшээ эхний тоглолт болох дэлхийн чансааг тэргүүлэгч Ж.Трамп болон дэлхийн чансааны 15-д эрэмбэлэгдэж буй Стефен Магуир нар тун ширүүхэн өрсөлдлөө. Хоёр тамирчны хувд өмнө нь 29 удаа учраа тааран тоглоход Ж.Трамп 15 удаад нь хожоод байсан бол урьд шөнө 16 дахь удаагаа Стефен Магуирыг хожлоо.
Аваргуудын дуэлд Шаун Мөрфи ялалт байгууллаа
Хагас шигшээд үлдэхийн төлөө "Players Championship" тэмцээний 2011 оны буюу анхны аварга Шаун Мөрфи болон 2016 оны аварга Марк Аллен нар туллаа. Хоёр тамирчин 22 дахь удаагаа учраа таарсан нь энэ бөгөөд Шаун Мөрфи 15 удаа Марк Алленийг хожиж байна. Тоглолт эхнээсээ Шаун Мөрфигийн илүүрхэл дунд өрнөсөн бөгөөд 6:2 харьцаагаар хожил байгууллаа.
