Энэ өдрүүдэд мэргэжлийн снукер биллиардын дэлхийн чансаа олгох "Players Championship" тэмцээн Англи улсад зохион байгуулагдаж байна.
Одоогоор шөвгийн 8-ын тоглолтууд явагдаж байгаа ба урьд шөнө явагдсан тоглолтуудыг толилуулж байна.
М.Селби аварга С.Магуирт 14 дэх удаагаа хожигдож байна
Урьд шөнө дэлхийн гурван удаагийн аварга М.Селби дэлхийн чансааны 15-д эрэмбэлэгдэж буй С.Магуиртай 30 дахь удаагаа учраа тааран тоглолоо. Өмнө нэг удаа тэнцэж 15 удаад нь М.Селби аварга хожоод байсан бол энэ удаад С.Магуирын хожих ээлж ирсэн бололтой. Тус тоглолт маш өрсөлдөөнтэй явагдсаны дүнд 6:5 харьцаагаар С.Магуир ялалт байгуулан хагас шигшээд Ж.Трамп аваргатай тоглохоор шалгарлаа.
"Players Championship" тэмцээний аварга Ж.Перри шөвгийн 8-аас хасагдлаа
2015 оны "Players Championship" тэмцээний аварга Ж.Перри шөвгийн 8-д БНХАУ-ын залуу тамирчин Я.Бинтаотай учраа таарсан ба мөн л ширүүхэн өрсөлдөөний үр дүнд 6:5 харьцаагаар Я.Бинтао ялалт байгуулан хагас шигшээд шалгарлаа. Тэд анх удаа учраа таарсан нь энэ юм.