Жүдо бөхийн Дюселдорфийн их дуулга тэмцээний сүүлийн өдрийн барилдааныг шууд дамжуулан үзүүлж байна. 

Өнөөдөр тэмцээний сүүлийн өдөр хуваарь ёсоор эмэгтэйчүүдийн -78, +78 кг, эрэгтэйчүүдийн -90, -100, +100 кг жингүүдийн барилдаан явагдах ба манай улсаас дэлхийн аваргын хүрэл медальт Л.Отгонбаатар тэргүүтэй манай хүчирхэг зургаан бөх зодоглоно. Манай бөхчүүдийн оноолтыг ЭНД дарж авна уу. 

Манай бөхчүүдийн явцын мэдээлэл:

Эмэгтэйчүүдийн -78 кг жинд:

О.Мөнхцэцэг эхний тойрогт Италийн Ф.Валериатай барилдан торгуулиар цэвэр ялсан ч хоёрдугаар тойрогт тус жингийн В хэсгийг тэргүүлэн барилдаж буй ДАШТ-ний хүрэл медальт Францийн П.Ф.Эстеллед ялагдан тэмцээнээ дуусгалаа. 

Эрэгтэйчүүдийн -90 кг жинд:

Г.Алтанбагана өнгөрсөн оны залуучуудын ДАШТ-ний хүрэл медальт Германы Май Лоусыг нутаг дээр нь ялж улмаар хоёрдугаар тойрогт Чехийн К.Девидэд ялагдан тэмцээнээ дуусгалаа. 

Эмэгтэйчүүдийн +78 кг жинд:

Э.Гандиймаа эхний тойрогт гоц мөргөж улмаар хоёрдугаар тойрогт тэс хэсгийг тэргүүлж буй дэлхийн аваргын хүрэл медальт Азербайжаны Киндзерска Иринатай барилдан ялагдсанаар тэмцээнээ дуусгалаа.

Эрэгтэйчүүдийн -100 кг жинд:

Дэлхийн аваргын хүрэл медальт Л.Отгонбаатар залуучуудын олимпийн хүрэл, залуучуудын ДАШТ-ий хүрэл медальт Унгарын Вег Зомборыг ялсан ч Узбекистаны М.Хуррамовт торгуулиар ялагдан тэмцээнээ дуусгалаа. 

Эрэгтэйчүүдийн +100 кг жинд:

А хэсэгт О.Цэцэнцэнгэл эхний тойрогт гоц мөргөөд улмаар хоёрдугаар тойрогт өсвөрийн дэлхийн аварга Ким Минжонгт ялагдан тэмцээнээ дуусгалаа.
D хэсэгт барилдаж буй Б.Тэмүүлэн Австралийн Х.Стефаныг ялж яг одоо гуравдугаар тойрогт залуучуудын ДАШТ-ний хүрэл медальт Унгарын Р.Сипоцтой дөрөвдүгээр дэвжээнээ барилдаж байна. 

НЭГДҮГЭЭР ДЭВЖЭЭГ ШУУД ҮЗЭХ:

ХОЁРДУГААР ДЭВЖЭЭГ ШУУД ҮЗЭХ:

ГУРАВДУГААР ДЭВЖЭЭГ ШУУД ҮЗЭХ:

ДӨРӨВДҮГЭЭР ДЭВЖЭЭГ ШУУД ҮЗЭХ:

ЖИЧ: Хэрэв та аливаа барилдааныг үзэж амжаагүй бол шууд дамжуулалтын бичлэгийг хүссэн цагтаа ухраан нөхөж үзэх боломжтой.