Снукер биллиардын чансааны оноо олгох 28 дахь удаагийн "Welsh Open" тэмцээний хоёрдугаар тойргийн тоглолтууд дуусаж шилдэг 32 тамирчин тодорлоо.
]
Манай сайт уг тэмцээний эхний өдрөөс эхлэн шууд дамжуулахаас гадна тухайн өдрийн хамгийн сонирхолтой тоглолтуудыг нь дараа өдөр нь бичлэгээр толилуулж байгаа билээ.
Урьд шөнө хоёрдугаар тойргийн 32 тоглолт явагдсан ба онцлох тоглолтуудыг толилуулж байна.
Ж.Трамп "төгс ялалт" байгууллаа
Энэ цагт дэлхийн чансааг тэргүүлж буй Ж.Трамп өнөөдрийг хүртэл "Welsh Open" тэмцээнд түрүүлж үзээгүй байгаа юм. Нэг л удаа үзүүрлэсэн нь Стуарт Бингхамын түрүүлдэг жил буюу 2017 онд азгүй тохиолдлоор хожигдож үзүүрлэсэн юм. Уг тоглолт маш өрсөлдөөнтэй явагдсан ба 9:8 харьцаагаар буюу ердөө ганц өргийн зөрүүгээр Стуарт Бингхам цом өргөж байлаа.
Урьд шөнө Ж.Трамп чансаа доогуур Билли Жое Кастлетэй тоглон өрсөлдөгчдөө ямар ч боломж өгөлгүйгээр 4:0 харьцаагаар "төгс ялалт" байгууллаа.
Нейл Робертсон М.Жойсоос хариугаа авч чадлаа
Магадгүй энэ цагт хамгийн сайн формтой байгаа Нейл Робертсон өнгөрөгч долоо хоногт дэлхийн гран при тэмцээнд түрүүлээд залгуулаад шууд "Welsh Open" тэмцээнд оролцож байгаа юм. Тэрээр "Welsh Open" тэмцээнд өнгөрсөн жил түрүүлсэн бол энэ удаад аваргаа хамгаалахаар ирсэн нь тодорхой.
Урьд шөнө Нейл Робертсон Английн Марк Жойстэй тоглолоо. Хамгийн сүүлд хоёр удаа учраа таарахад Жое Ройс хожоод байсан бол Нейл Робертсон энэ удаад хариугаа авч чадлаа.
