Снукер биллиардын 43 дахь удаагийн UK Championship тэмцээний шилдэг 32 тамирчны тоглолт явагдаж дууслаа.
Мэргэжлийн снукер биллиардын ТОП-3 тэмцээний нэг болох UK Championship тэмцээний шилдэг 32 тамирчны тоглолтууд урьд шөнө явагдаж дууслаа. UK Championship тэмцээнд түрүүлэх магадлалтай тамирчдын тэргүүн эгнээнд нэрлэгдэж байсан шинэхэн дэлхийн аварга Жадд Трамп хожигдон шуугиан тарьсан билээ. Түүний тоглолтыг бүрэн эхээр нь үзэхийг хүсвэл энд дарна уу.
Харин урьд шөнө дэлхийн тав, UK Championship тэмцээний долоон удаагийн аварга Ронни О Сулливан ээлжит өрсөлдөгчөө мөн л илүүрхэн хожиж шилдэг 16-д багтлаа. Тэрээр эхний тойрогт Ирландын Росс Булманыг 6:0, хоёрдугаар тойрогт БНХАУ-ын Тиан Пэнфэйг 6:0, шилдэг 32-т Тайландын Ноппон Сангхамыг 6:2 харьцаагаар буулган авлаа. Шилдэг 16-д Сулливан БНХАУ-ын Динг Жунхуйтай учраа таарсан байна.
