Снукер биллиардын 43 дахь удаагийн UK Championship тэмцээн энэ өдрүүдэд Англи улсын Ёорк хотноо зохион байгуулагдаж байна.

 Урьд шөнө хоёрдугаар тойргийн тоглолтуудын буюу шилдэг 64 тамирчны тоглолт явагдаж дууслаа. Дэлхийн гурван удаагийн аварга, дэлхийн чансааны 3-т эрэмбэлэгдэж буй Марк Виллиамсаас бусад дэлхийн чансааг өнгөлж буй шилдгүүд ээлжит өрсөлдөгчдөө буулган авч дараагийн шатанд шалгарлаа. Марк Виллиамсын хувьд эхний тойрогт Шотландын тамирчинг 6:2 харьцаагаар хожин хоёрдугаар шатанд нутаг нэгт Велсийн залуу тамирчин Майкл Вайтэд 6:2 харьцаагаар хожигдон тэмцээнээ дуусгалаа.  

 Хоёрдугаар тойргийн тоглолтуудаас хамгийн өрсөлдөөн, өрнөлтэй явагдсан тоглолт бол UK Championship тэмцээнд хоёронтоо үзүүрлээд буй Хойд Ирландын шилдэг тамирчин Марк Аллен болон Велсийн залуу тамирчин Жак Жонесийн нарын тоглолт байлаа. Уг тоглолт 6:5 харьцаагаар Марк Аллений хожлоор өндөрлөсөн байна. Уг тоглолтод Марк Аллен тав дахь өрөгт 141 оноог авсан бол найм дахь өрөгт Жак Жонес 112 оноо авсан байна.