Хан-Уул дүүргийн нэгдүгээр хорооны нутаг дэвсгэр 120 мянгатаас энхтайвны гүүр дагуух замын голоор байрлуулсан шар хайснууд урьд шөнийн салхинд унаж эвдэрчээ. Эдгээр шар хайснуудыг нэг метр тутмыг нь 8000 төгрөгийн үнэ өртгөөр, нийтдээ 37 сая төгрөгийн төсөвт өртгөөр замын голд тогтоох ажлыг хийсэн байдаг юм. Гэвч ажилдаа сэтгэлгүй хүмүүсийн бүтэлгүй ажил нь ердөө нэг долоо хоногийн эдэлгээтэй байж чадсангүй.

Зарим газарт сууриасаа сугарч унасан байгаа энэхүү шар хайсыг Нийслэлийн Засаг дарга асан С.Батболд, Улаанбаатар хотын захирагчийн ажлын албаны дарга Т.Гантөмөр нар Бээжин хотын дарга нарын зөвлөсний дагуу 772 сая төгрөгөөр БНХАУ-ын улсын үйлдвэрээс худалдан авсан талаарх сурвалжилгыг бид өмнө хүргэсэн билээ.

---