Шүүхийн ерөнхий зөвлөл буюу “шүүгчдийн шүүх” байгууллага таван гишүүнтэй байхаас бүрэлдэхүүн дутуу явсаар дөрвөн сар гаруйн хугацааг өнгөрөөж буй. Харин энэ 6-р сар гарсаар дутуу хоёр орон тоон дээр “марафон зарласан”- аар энэ марафонд оролцохоор 17 “тамирчин” бүртгүүлжээ.

Дээрх 17 тамирчныг Давж заалдах шатны 26 шүүхийн Шүүгчдийн зөвлөгөөнөөр:

Дашнямын Цогтсайхан,

Эрдэнэбаярын Мягмардорж,

Энхбатын Зоригтбаатар,

Цэвээндоогийн Өрнөндэлгэр нарыг нэр дэвшүүлсэн бол

Харин Анхан шатны 90 шүүхийн Шүүгчдийн зөвлөгөөнөөр 13 нэр дэвшигчийг тодруулж Тооллогын төв комисст ирүүлсэн байна.

Шүүгчдийн зөвлөгөөнөөр:

Түмэнжаргалын Мэндсайхан,

Амгалангийн Насандэлгэр,

Цогийн Оч,

Хасбаатарын Ганболд,

Александрын Сарангэрэл,

Лхагвын Энхтайван,

Даваанямын Оюумаа,

Пагамын Туяат

Бавалын Баатар,

Дэмбэрэлцэрэнгийн Мөнх-Эрдэнэ,

Дарамын Мягмаржав,

Жаргалсайханы Оюунтунгалаг,

Бат-Өлзийн Хажидмаа нарыг нэр дэвшүүлэх саналаа Тооллогын төв комисст ирүүлсэн байна.

Шүүхийн ерөнхий зөвлөлийн гишүүний марафоны бариа энэ сарын 06-нд болох байсан ч уралдааны замаас хоёр нь гарчээ.

Нийслэлийн Иргэний хэргийн давж заалдах шатны шүүхийн шүүгч Ж.Оюунтунгалаг, Төв аймгийн Эрүү, Иргэний хэргийн давж заалдах шатны шүүхийн шүүгч Ц.Өрнөндэлгэр нар Шүүхийн ерөнхий зөвлөлийн гишүүнд нэр дэвшигчдийн жагсаалтаас нэрээ татсан бөгөөд тэд чухам ямар шалтгаанаар марафоныг орхисноо тайлбарласангүй.  Ямартай ч хоёр өрсөлдөгч хасагдсанаар одоо 15 шүүгч уг замд уралдаж байна.

06-р сарын 06-нд санал хураалт явуулж, Шүүхийн ерөнхий зөвлөлийн гишүүн болгох хоёр эрхмийн нэрийг Ерөнхийлөгчид хүргүүлнэ. Харин эрхэм ерөнхийлөгч таалбал тэднийг зөвлөлийн гишүүн болгож эс таалбал дахин өөр хүний нэр санал болгох зохицуулалтай юм.

Нэмэлт мэдээлэл хүргэхэд, Шүүхийн ерөнхий зөвлөл бүрэлдэхүүн дутуй байхдаа маш олон мэргэжлийнб ус томилгоог хийсэн байдгийг “Оюуны инноваци” эрхзүйн судалгааны төвөөс гаргасан байдгийг бид өмнө нь ярилцлагаар дамжуулж хүргэж байсан билээ.  

---