Английн Премьер лигийн 33 дахь тойргийн тоглолтоо хийсний дараа Челси клуб хүснэгтийн тавдугаар байраас гуравдугаар байр луу огцом үсрэлтийг хийлээ.
Челси 2:0 Вестхам Юнайтед
Урьд шөнө Английн Лондон хотноо Стамфорд Бридж цэнгэлдэхэд Челси клуб Вестхам Юнайтед клубыг талбайдаа хүлээн авч 2:0-оор хожлоо. Уг тоглолтод Эдэн Азард дабль хийж өөрийн үнэ цэнийг өсгөлөө. Өнгөрсөн 2018 онд хоёр баг хоёр удаа учраа тааран тоглоход хоёуланд нь тэнцээд байсан юм. Харин энэ удаад Челси клуб хожил авч хүснэгтэд эзлэх байраа хоёр шатаар ахиуллаа. Гэвч Челси клуб энэ байрандаа удаан тогтоно гэхэд эргэлзээтэй. Учир нь Челси клубын ард бичигдэж буй Тоттенхам, Арсенал, Манчестер Юнайтед клубуудын оноо хол тасархай бус ойрхон байгаа. Мөн түүнчлэн Челси клуб хүснэгтийг тэргүүлэгч Ливерпүүл клубтэй энэ сарын 15 өдөр, Манчестер Юнайтед клубтэй 29-ны өдөр тоглох хуваарьтай байна.
Челси клуб Вестхам Юнайтед клубуудын тоглолтын тойм бичлэгийг хүлээн авч үзнэ үү.
