"Монголын зэс корпораци"-ийнхан шүүх дээр дахин нэг ялагдал хүлээлээ

МУ CONTENT

Шинэ мэдээ

Хууль эрхзүй, Халуун сэдэв

"Монголын зэс корпораци"-ийнхан шүүх дээр дахин нэг ялагдал хүлээлээ

"Монголын зэс корпораци"-ийнхан шүүх дээр дахин нэг ялагдал хүлээлээ

 

Улсын Дээд шүүхийн хяналтын шатны захиргааны хэргийн шүүх хуралдаанаар “Алтайн гянт” ХХК-ийн нэхэмжлэлтэй хэргийг өнөөдөр буюу 4 дүгээр сарын 8-ны өдөр хянан хэлэлцлээ.

Нэхэмжлэгч “Алтайн гянт” ХХК нь Ашигт малтмалын газрын даргын 2012 оны 10 дугаар сарын 23-ны өдрийн 615, 616 дугаар тушаалуудыг хүчингүй болгож, 12959А тоот ашигт малтмалын ашиглалтын тусгай зөвшөөрлийг сэргээх шаардлагыг шүүхэд гаргасан юм. Тус компани нь Багануурын уурхайн 468 сая тонны нөөцтэй хэсгийг эзэмшдэг. Эзэн нь Ц.Пүрэвтүвшин хэмээх 31 настай залуу бий. Уншигчид энэ залууг сайн мэддэг болсон бөгөөд Эрдэнэт үйлдвэр болон Монголросцветмет нэгдлийн 49 хувь, "Алтайн гянт" ХХК-ийн цорын ганц эзэмшигч нь Ц.Пүрэвтүвшин юм.   

Нийслэл дэх Захиргааны хэргийн анхан шатны шүүх дээрх хэргийг 2018 оны 11 дүгээр сарын 7-ны өдөр хянан хэлэлцээд нэхэмжлэгч "Алтайн гянт" ХХК-ийн нэхэмжлэлийг бүхэлд нь хэрэгсэхгүй болгож шийдвэрлэсэн байдаг.

Харин Захиргааны хэргийн давж заалдах шатны шүүх уг хэргийг 2019 оны 2 дугаар сарын 20-ны өдөр хянан хэлэлцээд Нийслэл дэх Захиргааны хэргийн анхан шатны шүүхийн шийдвэрийг хүчингүй болгож, хэргийг дахин хэлэлцүүлэхээр анхан шатны шүүхэд буцааж шийдвэрлэж байсан юм.

Улсын Дээд шүүхийн хяналтын шатны захиргааны хэргийн өнөөдрийн шүүх хуралдаанаар хэргийг хянан хэлэлцээд давж заалдах шатны шүүхийн магадлалыг хүчингүй болгож, анхан шатны шүүхийн шийдвэрийг хэвээр үлдээлээ гэж Улсын дээд шүүхийн хэвлэлийн албанаас мэдээллээ. Өөрөөр хэлбэл, "Монголын зэс корпораци"-ийнхан Эрдэнэтийн 49 хувиа алдаад байгаа ба энэ удаад дахин нэг хүнд цохилтонд орж, 468 сая тонны нүүрсний нөөцтэй талбайгаа "Багануур" ХК-д алдсаныг өнөөдрийн шүүхийн шийдвэр баталгаажууллаа. 

Санал болгох

7 Сэтгэгдэл

  1. Пvрэв

    Ийм шудрага шийдвэр vзэлгvй удсан байдаг шvv энэ улс орон.

  2. Зочин

    Шоронд хийж хөрөнгий нь хураа энэ хулгайч нарыг харахаас дургүй хүрч байна

  3. Зочин

    алдсан биш хулгайлах гэсэн үйлдлийг таслан зогсоосон.

  4. Зочин

    Улсаас нөөцийг нь тогтоогоод 30 жил ашиглаж байгаа талбайн талыг хулгайгаар худалдан авсан ч юмуу үнэ төлбөргүй авсаныг нь буцааж өгсөн гэвэл таарах юм.

  5. erdenet

    hutul darhanii tumurlug yah be

  6. Зочин

    Ялагдах ч бага хэргээ,улс орноо золиослох гэж хуйвалдаан зохион байгуулсаныхаа төлөө насаараа шоронд сууна даа!

  7. Haha

    Hehe mangar bazaaniig gar huluu bolgood udahgui yawdag gazar luu ni yawuullaa daa, yu ch bolood bgaag medehgui bgaa da zailuul, eej ni manai huu amidraldaa 4 say tugrug ch gar deeree barij uzeegui gej awsaan uruwdultei, yuniih ni ezen baihavde

Сэтгэгдэл үлдээх