Энэ өдрүүдэд Европын аварга шалгаруулах Euro-2020 тэмцээний сонгон шалгаруулалтын тоглолтууд явагдаж байна. Энэ жил Косово улс анх удаа урьдчилсан шатанд өрсөлдөж байгаа бөгөөд нийт 55 улсын шигшээ баг сонгон шалгаруулалтад оролцож байна.
Манай сайт сонгон шалгаруулалтын тоглолтуудаас хөлбөмбөг сонирхогчдодоо хамгийн сонирхолтой гэсэн тоглолтуудыг тоймлон цувралаар хүргэж байгаа билээ. Англи болон Чехийн шигшээ багуудын тоглолтыг тоймыг үзэхийг хүсвэл энд, Белги болон ОХУ-ын шигшээ багуудын тоглолтыг үзэхийг хүсвэл энд, Герман болон Нидерландын шигшээ багуудын тоглолтын тоймыг үзэхийг хүсвэл энд дарна уу.
Франц 4:0 Исланд
Урьд шөнө Франц болон Исландын шигшээ багуудын тоглолт явагдлаа. Энэхүү тоглолтод Самуел Умтити гоолын салхийг хагалж Антони Гризман, Килайн Мбаппе, Оливер Жиру нар гоолдсоноор Францын ээлжит нэгэн ялалтыг авчирлаа. Оливер Жиругийн хувьд Францын шигшээ багт 35 дахь гоолоо оруулж шигшээ багийнхаа төлөө хамгийн олон гоол оруулсан хөлбөмбөгчдийн жагсаалтын гуравдугаар байрт орж ирлээ.
Исландын хувьд сүүлийн 17 тоглолтдоо ганц л ялалт байгуулсан амжилт муутай цуврал нь үргэлжилсээр байна.
Франц болон Исландын шигшээ багуудын тоглолтын тойм бичлэгийг хүлээн авч үзнэ үү.
