Олон улсын жүдо бөхийн холбооны (IJF) чансаа өндөртэй Екатеринбургийн их дуулга тэмцээн амжилттай зохион байгуулагдаж байна. Хоёр өдрийн дараах байдлаар Монгол улсын баг тамирчид нэг алт (-60кг жинд барилдсан Л.Өнөболд), нэг хүрэл медаль (-63кг жинд барилдаж буй Б.Ганхайч) хүртсэн амжилтаар энэ удаагийн их дуулга тэмцээнд 47 орноос медалийн чанараараа тавдугаар байрт эрэмбэлэгдэж байна.

Өнөөдөр тэмцээний сүүлийн өдөр хүнд жингийн барилдаануудаар үргэлжлэн явагдана. Монгол улсаас Л.Отгонбаатар тэргүүтэй шилдэг долоон бөх таван жинд хүч үзэх юм. Өнөөдөр барилдах манай бөхчүүдийн оноолттой танилцахыг хүсвэл энд дарна уу.

Эрэгтэйчүүдийн +100кг жингийн С хэсэгт Б.Тэмүүлэн эхний тойрогт Герман улсын жүдоч Свен Хейнлтэй барилдан цэвэр яллаа. Свен Хэйнлийн хувьд саяхан болж өнгөрсөн Марракечийн гран при тэмцээний +100кг жинд түрүүлээд байсан юм. Б.Тэмүүлэн хоёрдугаар тойрогт тун удахгүй Бразилын Моура Девидтэй барилдах юм. 

Б.Тэмүүлэн эхний тойрогт Герман улсын жүдоч Свен Хейнлтэй барилдан цэвэр ялсан барилдааны бичлэгийг хүлээн авч үзнэ үү.