Олон улсын жүдо бөхийн холбооны (IJF) чансаа өндөртэй Екатеринбургийн их дуулга тэмцээн амжилттай зохион байгуулагдаж байна. Хоёр өдрийн дараах байдлаар Монгол улсын баг тамирчид нэг алт (-60кг жинд барилдсан Л.Өнөболд), нэг хүрэл медаль (-63кг жинд барилдаж буй Б.Ганхайч) хүртсэн амжилтаар энэ удаагийн их дуулга тэмцээнд 47 орноос медалийн чанараараа тавдугаар байрт эрэмбэлэгдэж байна.

Өнөөдөр тэмцээний сүүлийн өдөр хүнд жингийн барилдаануудаар үргэлжлэн явагдана. Монгол улсаас Л.Отгонбаатар тэргүүтэй шилдэг долоон бөх таван жинд хүч үзэх юм. Өнөөдөр барилдах манай бөхчүүдийн оноолттой танилцахыг хүсвэл энд дарна уу. 

Эрэгтэйчүүдийн -100кг жингийн D хэсэгт Сүлд спорт хорооны тамирчин Л.Отгонбаатар Киргизстан улсын жүдоч Керим Казатовтой барилдахаар тун удахгүй гуравдугаар дэвжээнээ гарч ирнэ. Л.Отгонбаатарын хувьд 3660 оноотойгоор жиндээ дэлхийн чансааны 9-т эрэмбэлэгдэж байна. Өнгөрсөн жил тэрээр тун өнгөтэй сайхан барилдаж дэлхийн аварга, Азийн наадмаас тус тус хүрэл медаль хүртэж дэлхийн шилдгүүдийн цуглаан Мастерс тэмцээнд үзүүрлэсэн юм.   

Нэгдүгээр дэвжээг шууд үзэх

Хоёрдугаар дэвжээг шууд үзэх

Гуравдугаар дэвжээг шууд үзэх

Жич: Хэрэв та шууд дамжуулалтыг цаг тухайд нь үзэж амжаагүй бол бичлэгийг ухраан нөхөж үзэх боломжтой.