Урьд шөнө Европа лигийн шөвгийн 16-ийн хариун тоглолтууд явагдаж шөвгийн найман баг тодроод байна. Энд нэг багийг онцгойлон дурдах хэрэгтэй. Тэр бол Английн Арсенал клуб.

Арсенал 3:0 Реннес

Шөвгийн 16-ийн эхний тоглолтод Францын Реннес клубын Роазон Парк цэнгэлдэхэд Арсенал 3:1-ээр хожигдоод байсан нь Арсеналын хувьд урьд шөнө хамгийн хүндхэн, хариуцлагатай тоглолт байсан нь мэдээж. Тэд талбай дээрээ тоглож байгаа нь сэтгэл зүйн хувьд давуу талтай хэдий ч гурван гоолын илүүтэйгээр хожих хүндхэн даалгавартай байлаа. Тоглолт эхлээд ердөө таван минут болоогүй байхад эхний гоол орлоо. Аубамеянг энэ тоглолтод дабл хийсний эхнийх нь энэ байлаа. Өнгөрсөн оныг хүртэл Борусия Дортмунд клубт хүчин зүтгэж байсан Франц тоглогч Аубамеянг багтаа тун чухал үүргийг гүйцэтгэх нь тэр. Мөн тоглолтын 15 дахь минутад Майтланд Нилес "цөм мөргөж" гоолдсноор тэд 3:0 харьцаагаар Реннесийг буулган авч төгс эргэн ирэлтийг хийлээ. 

Францын Реннес Английн Арсенал клубуудын тоглолтын тойм бичлэгийг хүлээн авч үзнэ үү.