Английн хөлбөмбөгийн Премьер лигийн тоглолтууд тун ширүүхэн өрсөлдөөнтэй өрнөж байна. Өнгөрсөн шөнө хүснэгтийг тэргүүлэгч Манчестер Сити клуб талбайдаа хүснэгтийн 8-д эрэмбэлэгдэж буй Ватфордыг хүлээн авч 3:1-ээр хожлоо. Ингэснээр Манчестер Сити клуб сүүлийн зургаан тоглолтодоо дараалсан ялалт байгуулж хүснэгтийг тэргүүлсэн хэвээр байна.
Ватфордтой тоглосон тоглолтын хоёрдугаар үед Стерлинг 46, 50, 59 дэх минутад дараалан гоолдож хэттрик хийлээ. Үүнээс хойш тоглолтын 66 дахь минутад Ватфордын Деулофеу нэр төрийн ганц гоолыг хийсэн байна. Товчхондоо Манчестер сити клуб талбайдаа илт илүүрхсэн тоглолтыг өрнүүлсэн юм. Тэд бөмбөг эзэмшилтийн хувьд 70.9 хувьтай байсан нь бөмбөг "тэдний мэдэлд" байсныг илтгэж буй бизээ.
Манчестер Сити - Ватфорд тоглолтын тойм бичлэгийг хүлээн авна уу.
