Холимог тулааны дэлхийн аварга асан МУГТ Ж.Нарантунгалаг One Championship 70кг жингийн аваргын бүсийн төлөө энэ оны дөрөвдүгээр сарын 12-ны өдөр Филиппин улсын Манилла хотноо одоогоор уг бүсийг эзэмшиж буй Мартин Нигуентэй тулалдах тов зарлагдсан тухай бид мэдээлсэн билээ. 

Манай www.livetv.mn/sport сайтын спорт мэдээллийн албанаас Ж.Нарантунгалаг аваргын тулаануудыг цувралаар танилцуулж байгаа бөгөөд 2018 оны долоодугаар сард Японы Казуки Токудометэй тулалдсан тулааны бичлэгийг үзэхийг хүсвэл энд дарж, 2018 оны зургаадугаар сарын 23 өдөр Макаод Филлипины шилдэг тулаанч Эдвард Келлитэй тулалдсан тулааныг үзэхийг хүсвэл энд, 2016 оны зургаадугаар сарын 2-ны өдөр Филлипины шилдэг тулаанч Эрик Келлитэй тулалдсан тулааныг үзэийг хүсвэл энд дарна уу. 

2016 оны таван сарын 6-ны өдөр Сингапурт ONE Championship: Ascent To Power тулаанд Солонгосын тулаанч ONE FC холбооны хөнгөн жингийн аварга асан Котецу Бокутай тулалдсан тулааныг та бүхэндээ бүрэн эхээр нь толилуулах гэж байна. 

Котецу Боку гэж хэн бэ? 

Тэрээр Японд төрсөн Шоото холбооны аварга, One FC холбооны аварга болж байснаас гадна DREAM, King of the Cage, S-Cup, Cage Force, K-1 HERO'S зэрэг дэлхийд нэртэй тулаануудад оролцож байсан хашир туршлагатай тулаанч юм. Котецу Боку нь 2004 оноос БНСУ-ын иргэншил авч солонгосын нэрийн өмнөөс өнөөдрийг хүртэл тулалдаж байгаа юм. Ж.Нарантунгалаг аваргатай тулалдахдаа 37 тулаанд орж 24-т нь ялаад байсан юм.  

Ж.Нарантунгалаг - Котецу Боку "Аваргуудын тулаан"-ыг бүрэн эхээр нь толилуулж байна.