Холимог тулааны дэлхийн аварга асан МУГТ Ж.Нарантунгалаг One Championship 70кг жингийн аваргын бүсийн төлөө энэ оны дөрөвдүгээр сарын 12-ны өдөр Филиппин улсын Манилла хотноо одоогоор уг бүсийг эзэмшиж буй Мартин Нигуентэй тулалдах тов зарлагдсан тухай бид мэдээлсэн билээ.
Манай www.livetv.mn/sport сайтын спорт мэдээллийн албанаас Ж.Нарантунгалаг аваргын тулаануудыг цувралаар танилцуулж байгаа бөгөөд 2018 оны долоодугаар сард Японы Казуки Токудометэй тулалдсан тулааны бичлэгийг үзэхийг хүсвэл энд дарж, 2018 оны зургаадугаар сарын 23 өдөр Макаод Филлипины шилдэг тулаанч Эдвард Келлитэй тулалдсан тулааныг үзэхийг хүсвэл энд дарна уу.
Өнөөдөр та бүхэндээ 2016 оны зургаадугаар сарын 2-ны өдөр БНХАУ-ын Анхуй хотноо Филлипины шилдэг тулаанч "The Natural" буюу "байгалийн төрмөл тулаанч" хочит Эрик Келлитэй тулалдсан тулааныг толилуулж байна. Эрик Келли нь тухайн үед 15 тулаанд орж 13 тулаанд нь ялаад байсан шилдэг тулаанч юм.
Уг тулаан мөн л тухайн өдрийн гол тулаанаар нэрлэгдээд байсан юм. Ж.Нарантунгалаг аварга өөрөөсөө 7 насаар дүү буюу ид ирэн дээрээ яваа тулаанчыг ердөө 44 секундэд нам цохиж унагалаа. Ж.Нарантунгалаг аваргын баруун хойд гар байндаа оновчтой тусч өрсөлдөгч тулаанч нь газар унах нь тэр.
Ж.Нарантунгалаг болон Эрик Келли нарын тулааны бичлэгийг бүрэн эхээр нь толилуулж байна.
