Снукер биллиардын чансаа олгодог "Indian Open-2019" тэмцээн хоёрдугаар сарын 27 өдрөөс гуравдугаар сарын гуравны өдөр хүртэл Энэтхэг улсын Кочи хотноо явагдана. 

2013 оноос хойш зохиогдож эхэлсэн уг тэмцээний өмнөх аварга буюу 2017 оны аварга Жон Хиггинс энэ удаагийн "Indian Open-2019" тэмцээнд оролцож байгаа юм. 

Өчигдөр тэмцээний нэгдүгээр үеийн тоглолтууд явагдаж дууссан ба өнөөдөр хоёрдугаар тойргийн тоглолт эхлэх юм. Нэгдүгээр тойргийн тоглолтод 82 тамирчин тоглосон байна. 

Нэгдүгээр үеийн хамгийн сонирхолтой тоглолтоор БНХАУ-ын хоёр залуу тамирчид болох Зоу Еулон болон Лю Хаотиан нарын тоглолтыг нэрлэж болохоор байна. Учир нь энэ тоглолт 4:3 харьцаагаар Лю Хаотианы ялалтаар өндөрлөсөн ч Зоу Еулон снукер биллиардын хамгийн өндөр оноо болох 147 оноог авсан тоглолт боллоо. Энэхүү 147 оноо нь снукер биллиардын түүхэн дэх 150 дахь 147 оноо ба Хятадын залуу тамирчны хувьд анхны тохиолдол нь болж байна. Уг тоглолтын бичлэг одоогоор хийгдээгүй ба өнөөдөр та бүхэндээ Хятадын залуу биллиардчин Зоу Еулоны 2018 онд лигийн финалд Жон Хиггинс аваргатай тоглосон бичлэгийг толилуулж байна.