Жүдо бөхийн Дьюселдорфийн их дуулга тэмцээн хоёр өдрийн турш тун өрсөлдөндөөнтэй барилдаануудаар дүүрэн байлаа. 

Хоёр өдрийн дараах байдлаар монголын баг тамирчид эмэгтэйчүүдийн -52кг жинд Л.Сосорбарам мөнгөн медаль, эмэгтэйчүүдийн -57кг жинд Д.Сумьяа аварга, эрэгтэйчүүдийн -66кг жинд Ё.Басхүү нар хүрэл медаль, эрэгтэйчүүдийн -81кг жинд Н.Дагвасүрэн шагналт тавдугаар байрт шалгарсан амжилтаар  тэмцээнд оролцогч 93 орноос медалийн чанараар зургаадугаар байранд эрэмбэлэгдэж байна. 

www.livetv.mn/sport их дуулга тэмцээнийг гурван өдрийн турш шууд дамжуулан үзүүлж байгаа ба монгол бөхчүүдээ дэвжээнд гарах бүрд нь тамирчныхаа талаар болон өрсөлдөгчийнх нь талаарх мэдээллийн хамт шуурхай мэдээлж байгаа билээ. 

Өнөөдөр манайхны салхийг хагалж эрэгтэйчүүдийн -90кг жинд Алдар” спорт хорооны тамирчин, Азийн наадмын мөнгө, Армийн дэлхийн аварга Г.Алтанбагана А хэсэгт эхний тойрогт Их Британийн Стеварт Макстай барилдан нэмэлт цагт торгуулиар цэвэр ялсан билээ. Хоёр жүдоч 2016 онд Чиндаогийн гран при тэмцээний финалд учраа таарч манай Алтанбагана хожигдоод байсан бол энэ удаад даагаа сайхан нэхэж давлаа. Яг одоо хоёрдугаар дэвжээнээ тэмцээнийг зохион байгуулагч эзэн орны Тим Шмидттэй барилдах гэж байна. Герман тамирчны хувьд энэ жил 21 настай шинэ залуу тамирчин юм. Тэрээр нэгдүгээр тойрогт АНУ-ын жүдоч Коч Маттювийг цэвэр ялсан байна.   

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та шууд дамжуулалтыг үзэж амжаагүй бол дээрх бичлэгүүдийг ухраан нөхөж үзэх боломжтой.