Жүдо бөхийн Дьюселдорфийн их дуулга тэмцээн хоёр өдрийн турш тун өрсөлдөндөөнтэй барилдаануудаар дүүрэн байлаа. 

Хоёр өдрийн дараах байдлаар монголын баг тамирчид эмэгтэйчүүдийн -52кг жинд Л.Сосорбарам мөнгөн медаль, эмэгтэйчүүдийн -57кг жинд Д.Сумьяа аварга, эрэгтэйчүүдийн -66кг жинд Ё.Басхүү нар хүрэл медаль, эрэгтэйчүүдийн -81кг жинд Н.Дагвасүрэн шагналт тавдугаар байрт шалгарсан амжилтаар  тэмцээнд оролцогч 93 орноос медалийн чанараар зургаадугаар байранд эрэмбэлэгдэж байна. 

www.livetv.mn/sport их дуулга тэмцээнийг гурван өдрийн турш шууд дамжуулан үзүүлж байгаа ба монгол бөхчүүдээ дэвжээнд гарах бүрд нь тамирчныхаа талаар болон өрсөлдөгчийнх нь талаарх мэдээллийн хамт шуурхай мэдээлж байгаа билээ. 

Эрэгтэйчүүдийн +100кг жинд домогт аварга Монгол Улсын хөдөлмөрийн баатар, гавьяат тамирчин “Женко” клуб, Олимпийн наадмын алт, мөнгөн медальт, ДАШТ-ий хүрэл медальт, Багийн ДАШТ-ий хүрэл медальт, Азийн наадмын аварга, Азийн аварга Н.Түвшинбаяр С хэсэгт эхний тойрогтоо гоц мөргөж хоёрдугаар тойрогт тэмцээнийг зохион байгуулагч эзэн орны Свен Хейнлетэй нэгдүгээр дэвжээн дээр барилдахаар гарч ирлээ. Свен Хэйнлегийн хувьд жиндээ 779 оноотойгоор дэлхийн чансааны 55-д эрэмбэлэгдэж буй 27 настай хашир туршлагатай тамирчин юм. Урьд өмнө нь Н.Түвшинбаяр аваргатай учраа таарч байгаагүй ч Ө.Дүүрэнбаяртай хоёр удаа учраа таарч Ө.Дүүрэнбаяр хоёуланд нь ялж байсан түүхтэй юм.

Нэгдүгээр дэвжээг шууд үзэх:

Хоёрдугаар дэвжээг шууд үзэх:

Гуравдугаар дэвжээг шууд үзэх:

Жич: Хэрэв та шууд дамжуулалтыг үзэж амжаагүй бол дээрх бичлэгүүдийг ухраан нөхөж үзэх боломжтой.