Хоёр хоногийн дараа (хоёр сарын 22-24 өдрүүдэд) жүдо бөхийн Дьюселдорфийн их дуулга тэмцээнд 99 орны 700 гаруй жүдоч оролцох урьдчилсан мэдүүлгээ өгөөд байгаа бол Монгол улсаас Монгол улсын хөдөлмөрийн баатар, МУГТ Н.Түвшинбаяр, Д.Сумьяа тэргүүтэй шилдэг 19 жүдоч оролцох мэдүүлгээ өгөөд байна. Дьюселдорфийн их дуулга тэмцээнд оролцох монголын баг тамирчдын мэдээллийг энд дарж үзнэ үү.
Манай сайт Дьюселдорфийн их дуулга тэмцээнд оролцох монгол бөхчүүдийнхээ дэлгэрэнгүй танилцуулгыг цувралаар танилцуулж байна. Монгол улсын хөдөлмөрийн баатар, МУГТ Д.Сумьяагийн мэдээллийг үзэхийг хүсвэл энд дарна уу.
Олимпийн их наадмын алт, мөнгөн медальт, Дэлхийн аваргын хүрэл медальт Монгол улсын хөдөлмөрийн баатар, МУГТ Н.Түвшинбаярын хувьд Дьюселдорфийн их дуулга тэмцээнийг гран при байх үеүдэд буюу 2011, 2014 онуудад хүрэл медаль хүртэж байсан юм. Өдгөө 34 настай агуу аварга маань одоогоор +100кг жинд 2016 оноотойгоор дэлхийн чансааны 21-т эрэмбэлэгдэж байна. Харин Дьюселдорфийн их дуулга тэмцээний эрэгтэйчүүдийн +100кг жингийн бөхчүүдийг Ө.Дүүрэнбаяр тэргүүлэн барилдах юм.
Н.Түвшинбаяр аваргын шилдэг барилдаануудын түүвэр бичлэгийг толилуулж байна.
