Их Британи улсын Челтенхам хотноо снукер биллиардын "Coral Wolrd" гран при тэмцээн энэ өдрүүдэд явагдаж байна. Уг тэмцээнд 32 шилдэг тамирчин өрсөлдөж байгаагийн дотор дэлхийн чансааг тэргүүлж буй эхний 10 тамирчин бүгд тоглож байгаагаараа онцлогтой юм. Гэвч тэмцээний эхний өдөр дэлхийн чансааны №2 Марк Виллиамс, №3 Ронни О Сулливан нар хожигдож үзэгчдийн суудалд шилжлээ. Бид өчигдөр домогт Ронни О Сулливан Марко Фу-тай тоглосон тоглолтын бичлэгийг бүрэн эхээр нь хүргэсэн билээ. Уг тоглолтыг үзэхийг хүсвэл энд дарна уу.
Урьд шөнө дэлхийн чансааны хоёрт эрэмбэлэгдэж буй Велсийн Марк Виллиамс БНХАУ-ын 18 настай залуу тамирчинд хожигдон тэмцээнээ дуусгалаа. Хятад залуу Юан Сижуны хувьд Марк Виллиамс аваргыг ийнхүү хоёр тэмцээн дараалан хожиж байгаа нь энэ юм. Өмнө нь 15 настай байхдаа Юан Сижун зургаан улааны дэлхийн аварга шалгаруулах тэмцээний үеэр мөн Марк Виллиамсыг хожиж байсан юм.
Марк Виллиамс болон Юан Сижун нарын тоглолтын бүрэн бичлэг
