Их Британи улсын Челтенхам хотноо снукер биллиардын "Coral Wolrd" гран при тэмцээн өчигдөр албан ёсоор эхэллээ. Уг тэмцээнд 32 шилдэг тамирчин өрсөлдөж байгаагийн дотор дэлхийн чансааг тэргүүлж буй эхний 10 тамирчин бүгд тоглож байгаагаараа онцлогтой юм.
Урьд шөнө явагдсан тоглолтуудаас хамгийн сонирхолтой өрнөсөн нь дэлхийн 5 удаагийн аварга "Пуужин" хочит Ронни О Сулливан дэлхийн чансааны 24-т эрэмбэлэгдэж буй Хонг Конгийн Марко Фу-д 4:2 харьцаагаар хожигдсон явдал байлаа. Марко Фу 1998 оноос хойш мэргэжлийн карьерээ эхлүүлсэн ба энэ жил 41 настай хашир туршлагатай тамирчин юм. 2009 оноос хойш 10 жилийн турш Марко Фу Английн домогт тамирчин Ронни О Сулливаныг нэг ч хожоогүй байсан юм. Хамгийн сүүлд 2009 онд Welsh Open тэмцээн дээр Марко Фу Ронниг 5:3 харьцаагаар хожиж байсан юм. Үүнээс хойш 10 жилийн турш нийт 12 удаа учраа тааран тоглох бүрийд Ронни хожиж байлаа.
Ронни О Сулливан - Марко Фу нарын тоглолтын бүрэн бичлэг:
