Герман улсын Берлин хотноо снукер биллиардын чансаа өндөртэй “Герман мастерс” тэмцээн явагдаж дууслаа. Уг тэмцээн эхнээсээ дуусах хүртлээ сонирхолтой өрнөсөн ба дэлхийн чансааг тэргүүлэгчид хэний ч төсөөлөөгүй тамирчдад хожигдож тэмцээнээ дуусгасаар өндөрлөлөө. Урьд шөнө финалын тоглолтод үлдсэн хоёр тамирчид болон Английн Кайрен Вилсон болон Дэвид Гилберт нар дээр бооцоо тавьсан хүн бий гэхэд эргэлзээтэй.
Финалын тоглолтод Английн Кайрен Вилсоны давамгайлал дор өрнөлөө. Урьд өмнө нь хоёр тамирчин хоёронтаа хоорондоо учраа таарах бүрийд Кайрен Вилсон Девид Гилбертийг хожоод байсан юм. Кайрен Вилсоны хувьд энэ жил 27 настай бөгөөд өнгөрсөн онд 6 улаан шаариктай биллиардын дэлхийн аварга шалгаруулах тэмцээнд түрүүлсэн юм.
Тэрээр энэ тэмцээнд түрүүлэх том зорилго өөртөө тавьсан мэт тэмцээний эхнээс өрсөлдөгч нараа бүгдийг нь илт давуугаар хожиж байсан юм. Шөвгийн наймд дэлхийн чансааны №2 Марк Виллиамсыг 5:0 харьцаагаар хожиж аварга болох боломжтой гэдгээ харуулсан юм. Уг тоглолтыг бүрэн эхээр нь үзэхийг хүсвэл энд дарна уу.
"Герман Мастерс" тэмцээний финал. Кайрен Вилсон - Дэвид Гилберт нарын тоглолтын бүрэн бичлэг.
