Арабын нэгдсэн Эмират улсад нэгдүгээр сарын 5 өдрөөс хоёрдугаар сарын 1 өдрүүдэд хөлбөмбөгийн Ази тивийн аварга шалгаруулах тэмцээн болж өнгөрлөө. Дөрвөн жил тутамд зохион байгуулагддаг тивийн аварга шалгаруулах тэмцээнд 24 улсын баг оролцож Катар улс анх удаагаа тивийн аваргын цомыг өргөлөө.
1956 оноос хойш зохион байгуулагдсан Ази тивийн аварга шалгаруулах тэмцээнд хамгийн олон удаа буюу дөрвөн удаа түрүүлсэн Японы хүчирхэг баг финалд Катарын багтай учраа тааран тоглосон юм. Катар улсын хувьд хоёр ч удаа (1988, 2011) нутагтаа тивийн аварга шалгаруулах тэмцээнийг зохион байгуулж байсан хэдий ч энэ удаагийнх шиг амжилттай тоглож байгаагүй билээ.
Ази тивийн аварга шалгаруулах тэмцээний тойм:
- Нийт 51 тоглолт явагдсан
- 130 гоол орсон нь дунджаар тоглолт бүр дээр 2.55 гоол орсон
- Хамгийн гоол оруулсан Катарын мэргэн бууч Алмоез Али 9 гоол оруулсан
- Шилдэг тоглогч Катарын мэргэн бууч Алмоез Али
- Шилдэг хаалгач Катарын хаалгач Саад Ал Шееб
2023 онд Ази тивийн аварга БНСУ болон БНХАУ-д зохион байгуулагдах хуваарьтай байна.
Финалын тоглолтын тойм бичлэг:
