Ерөнхий сайд Л.Оюун-Эрдэнэд итгэл үзүүлэх эсэхийг ТББХ-ны хуралдаанаар хэлэлцэж эхэллээ. Хамтарсан Засгийн газар дахь АН-ын найман сайд ажлаа өгөх өргөдлөө өгцгөөжээ.

Энэ талаар Тэргүүн шадар сайд бөгөөд Эдийн засаг, хөгжлийн сайд Л.Гантөмөр: 

-АН-ын найман сайд өргөдлөө өгсөн. Бид цаашид МАН-тай хамтарч ажиллах боломжгүй. Баялагийн сан, 14 мега төслийн төлөө олон шуурганы эсрэг Л.Оюун-Эрдэнэтэй хамт зүтгэсэн. Түүний талаар жудаггүй юм ярихгүй. Улс төрийн том ойлголцол энд хүрээд зогсож байна.

УИХ дахь АН Баялгийн сангийн төлөө байгаа. 14 мега төсөл хөдөлж байж, улсын эдийн засаг цааш явна. Монголчууд хүнд үедээ эвийг сахиж, сайн сайхан үедээ эргэж мэтгэлцээд явдаг. Улс орны эрх ашгийг эсэргүүцсэн шийдвэр бид гаргахгүй гэлээ.

---