Японы мэргэжлийн сумо бөхийн Нацү башёгийн 12 дахь өдрийн барилдааны тоймыг толилуулж байна.
12 өдрийн дараах байдлаар энэ башёд Ёкозүна цолны төлөө хүч үзэж буй озеки Оносато нэг ч унаагүйгээр ганцаараа тэргүүлж байгаа бол Ёкозүна Хошорюү С.Бямбасүрэн, Секиваке Киришима Б.Лхагвасүрэн нарын таван бөх есөн даваа, гурван унаатайгаар түүний араас нэхэж байна.
Өчигдрийн буюу 12 дахь өдрийн барилдаанд башёг ганцаараа тэргүүлж буй Оносато мөн л башёг тэргүүлэгчдийн эгнээнд бичигдэж байсан Хакуохог давснаар 12 даваатай боллоо. Тэрээр Нацү башёд түрүүлэх улмаар Ёкозүна цол хүртэхэд ганцхан даваа үлдлээ. Харин Оносатогийн араас нэхэж байсан Ёкозүна Хошорюү С.Бямбасүрэн өчигдрийн барилдаанд нутаг нэгт Секиваке Киришима Б.Лхагвасүрэнд өвдөг шороодон есөн даваа, гурван унаатай боллоо.
