Сагсанбөмбөгийн Ази тивийн аваргуудын лигийн зүүн бүсийн тоглолтууд үргэлжлэн явагдаж байна.
Тэмцээний А болон В хэсэгт тус бүр дөрвөн баг байгаа хэсэг тус бүрд монголын багууд харьяалагдаж байна. Монголын Үндэсний дээд лигийн 2023-2024 оны улирлын дэд байранд шалгарсан "Бишрэлт Металл" баг Малайзын аварга "NS Matrix Deers" багийн талбайд хийж 86-98 харьцаагаар хожил байгуулсан талаар бид өмнө нь мэдээлсэн билээ.
Тэгвэл өнөөдөр /дөрөвдүгээр сарын 5-ны өдөр/ Бишрэлт металл баг Индонез улсын Жакарта хотноо Индонезийн лигийн дөрвөн удаагийн аварга Пелита Жаяа багтай тоглох хуваарьтай байна. Тоглолт Улаанбаатарын цагаар 20:00 цагт явагдана.
Пелита Жаяа баг эхний тоглолтдоо Малайзын "NS Matrix Deers" багийг 88:82 харьцаагаар буулган аваад байгаа юм.