Мэргэжлийн снукер биллиардын дэлхийн нээлттэй тэмцээн (World Open) тэмцээн эхэллээ. 

Тэмцээний өмнө домогт Ронни О Сулливан, дэлхийн аварга Лука Бресел нарын хэд хэдэн тамирчин тэмцээнийг өнжихөө мэдэгдсэн тул тэдний оронд урьдчилсан шатанд эрхээ авч чадаагүй тамирчид нөхөж орж ирсэн юм. 

Эхний тойргийн тоглолтуудаас онцлох тоглолтуудыг дурдвал: тэмцээний чансааг тэргүүлж буй Жадд Трамп хятадын залуу тамирчныг 5:0 харьцаагаар хожихдоо өрсөлдөгчдөө ердөө 40 оноо л алдсан байна. 

Ердөө хэдхэн хоногийн өмнө Уэлс Опен тэмцээнд түрүүлсэн, дэлхийн дөрвөн удаагийн аварга Марк Селби дэлхийн чансааны 61-т эрэмбэтэй хятадын залуу тамирчинд (20 настай) 5:2 харьцаагаар хожигдон тэмцээнээ дуусгалаа. 

Өөрийн нутагтаа хүч үзэж Дин Жунхуйгийн хувьд өмнө нь дэлхийн нээлттэй тэмцээнд 2017 онд түрүүлж байснаас гадна өнгөрсөн жил Жадд Трамп аваргатай шигшээд тунан өрсөлдөж байлаа. Тэрээр эхний тойрогт онцгой сайн тоглолтыг үзүүлж өрсөлдөгчөө 5:1 харьцаагаар буулган авч дараагийн шатанд төвөггүй шалгарлаа.