Мэргэжлийн снукер биллиардын шилдгүүд урилгаар оролцдог Мастерс тэмцээний шигшээд өрсөлдөх аваргууд тунан үлдлээ. 

Аваргууд хэмээн тодотгосны учир нь шигшээ тоглолт шинэхэн дэлхийн аварга Кайрен Уилсон болон одоогоор 20 жилийн өмнө дэлхийн аварга болж байсан Шаун Мөрфи нар тунан үлдээд байна. Шаун Мөрфи аваргын хувьд өдгөө 42 настай бөгөөд гурав дахь удаагаа мастерсын шигшээ шалгарч буй нь энэ юм. Өмнө нь хоёр удаа Нейл Робертсон аваргатай тунан үлдэж 2023 онд дэд байр, 2015 онд түрүүлж байлаа. Харин Кайрэн Уилсон 2018 онд нэг л удаа мастерсийн шигшээд шалгарч үзсэн ба хараахан түрүүлж үзээгүй байна. Хоёр тамирчны хувьд өмнө нь 14 удаа учраа таарахад Шаун Мөрфи аварга 10 удаад нь хожиж байсан түүхтэй. 

Хагас шигшээ тоглолтод Шаун Мөрфи аварга Марк Алленийг 6:3 харьцаагаар буулган авахдаа мастерсийн 50 жилийн түүхэн дэх зургаа дахь 147 оноог авсан байна. Мастерсийн түүхэн дэх анхны 147 оноог 1984 онд Кирж Стевенс, 2007 онд Динг Жунхуй, 2015 онд Марко Фу, 2024 онд Динг Жунхуй болон Марк Аллен нар үзүүлж байлаа. Тоглолтын дараа Шаун Мөрфи: "Марк Алленийг хожих нь тийм ч хялбар биш. Би түүнээс жоохон л азтай байлаа. 147 онооны хувьд бол снукер биллиардын хамгийн оргил шүү дээ. Үзэгчдэд хүссэн тоглолтыг нь үзүүлж чадсандаа баяртай байна" хэмээсэн байна.

Шигшээ тоглолт өнөөдөр /1 сарын 19/ Улаанбаатарын цагаар 21:00 цагт явагдах хуваарьтай байна.