Мэргэжлийн снукер биллиардын хамгийн нэр хүндтэй тэмцээнүүдийн нэг бол Мастерс 2025 эхлэхэд 10 хоног үлдлээ. 

Снукер биллиардын 2025 оны хөшгийг нээх Мастерс тэмцээн нь анх 1975 онд эхэлсэн түүхтэй бөгөөд энэ жил 51 дэх удаагаа зохион байгуулагдах гэж байна. Энэ агуулгаараа ДАШТ-тэй дүйцэхүйц түүхтэй тэмцээн юм. Мастерс тэмцээний нэг онцлог нь дэлхийн чансаа олгодоггүй бөгөөд зөвхөн шилдэг тамирчид урилгаар оролцдог тэмцээн юм. Анх зөвхөн шилдэг 10 тамирчин уригддаг байсан бол 1984 оноос дэлхийн чансааны эхний 10 тамирчин уригддаг болж, 1990-ээс 2010 оны хооронд нэмэлтээр хоёроос гурван тамирчин цагаан хуудсаар оролцож байсан түүхтэй. 

51 жилийн түүхэнд хамгийн удаа буюу найман удаа түрүүлж, зургаан удаа үзүүрлэсэн хүн домогт Ронни О Сулливан юм. Тэрээр энэ жил ч хүч үзэх бөгөөд эхний тойрогт дэлхийн дөрөв, мастерсийн хошой аварга Жон Хиггинстэй учраа таарсан байна. 

Уригдсан 16 тамирчнаас тал нь буюу найман тамирчин нь өмнө нь дэлхийн аварга хэмээх цолыг хүртэж байсан тамирчид байна. Тодруулбал: Дэлхийн долоон удаагийн аварга Ронни О Сулливан, дөрвөн удаагийн аварга Жон Хиггинс, дөрвөн удаагийн аварга Марк Селби, гурван удаагийн аварга Марк Уиллиамс, тус бүр дэлхийн нэг удаагийн аварга Шаун Мөрфи, Жадд Трамп, Лука Бресел, Кайран Уилсон нар юм. 

Мастерс тэмцээн энэ сарын 12-ноос 19-ний хооронд уламжлал ёсоор Лондон хотын Алекстра Палас ордонд явагдах хуваарьтай байна.