Жүдо бөхийн цэргийн дэлхийн аварга шалгаруулах тэмцээний хоёр дахь өдрийн барилдааныг шууд дамжуулан үзүүлж байна.  

Узбекистан улсын Ташкент хотноо зохион байгуулагдаж буй дэлхийн аварга шалгаруулах тэмцээний эхний өдөр эмэгтэй дөрөв (-48, -52, -57, -63), эрэгтэй гурван (-60, -66, -73) жингийн барилдаанууд явагдаж манай бөхчүүдээс хоёр алт, хоёр мөнгөн медаль хүртсэн болохыг бид өмнө нь мэдээлсэн билээ. 

Тэгвэл өнөөдөр (10 дугаар сарын 17-ны өдөр) эрэгтэйчүүдийн -81кг, -90кг, -100кг, +100кг, эмэгтэйчүүдийн -70кг, -78кг, +78кг жингүүдийн барилдаан явагдана. Манай улсаас:

Эрэгтэйчүүдийн -81кг жинд:

В хэсэгт Б.Ганзориг, С хэсэгт Г.Болор-Очир нар тус тус барилдаж байна. 

Эрэгтэйчүүдийн -100кг жинд:

В хэсэгт Г.Пунцагцэрэн, С хэсэгт А.Энхбаяр нар хүч үзэж байна. 

 Эрэгтэйчүүдийн +100кг жинд:

В хэсэгт насанд хүрэгчдийн дэлхийн аваргын хүрэл, залуучуудын дэлхийн аваргын алт, мөнгөн медальт МУГТ Ө.Дүүрэнбаяр хүч үзэж байна.

Эмэгтэйчүүдийн -70кг жинд:

Залуу тамирчин С.Лхагвадулам хүч үзэж байна. 

Эмэгтэйчүүдийн +78кг жинд:

 Азийн аваргын мөнгө, Улаанбаатар, Бакугийн их дуулгын мөнгөн медальт А.Адяасүрэн тус тус барилдаж байна.